BLOGGER TEMPLATES AND TWITTER BACKGROUNDS »


بسم الله الرحمن الرحيم
انا الي حد علمي ان الواحد بيدخل الجامعه عشان يتعلم ويكون محترف في مهنته سواء طبيب او معلم او مهندس او كيميائي او ...او ...
لكن بعض من هؤلاء بيتخرجوا من الجامعه ولم يفقهوا شيئا
والسبب الأستهتار خلال الدراسه
انا من اول مادخلت الجامعه وانا ملاحظة حجات غريبه خلتني بجد بكره اليوم اللي بروح فيه الكليه
سواء من الشباب او البنات
بحس ان بعض البنات بتخرج من بيتها واخر شياكه ولله الحمد وفي دماغها مش هتتعلم ايه لالالالالا
بل اللي بيدور داخل مخيلتها هي هتعلق كام واحد النهاردة كام واحد من شلتها هيقولها وااااااو ايه الشياكة ديه
بشوف ازاي بتتعامل البنات مع الولاد كأنه سبحان الله اخوها بتهزر بالأيد والشتايم وحجات كتير لاتسر ولاتفرح والله ولو اخوها
ماهتعمل معاه كدا
"في مره "كنت جالسه في المدرج انا وصديقتي وفي اخر انسجام في المحاضرة
وبنات وشباب ورانا عاملين يرغوا ويسخروا من الدكتور ايه الراجل الي مابعرفش يشرح داه الواحد مش فاهم حاجة
ويضحكوا ويهزروا فاالبنت الورايا بتقول للولد الي جنبها نفسي حد يجبلي هديه في عيد الحب
وبعد شويه لقيتها بتقول لولد تاني شكله تبع الشله البت فلانه عنيها عليك اظبتلك معاها
والشتايم بئي بينهم الله واعلم بيها
وبدل ماكنا منسجمين في المحاضرة بئينا منسجمين معاهم ونقول انا وصحبتي لاحول ولاقوة الا بالله
هي الدنيا جرا فيها ايه
وغيرها من المناظر الي طول اليوم مقيمين برا قاعة المحاضرات واكتريتهم بنت وولد مع بعض
والي ماسك ايد دي والي عمال يقولها كلام في ولدنها علي اساس مابتسمعش وغيرو وغيرو

وانتوا ايه رأيكم في الموضوع ده؟
بجد لو شفتوا مناظر زي ديه هتعملوا ايه ؟


21 قول اللي في نفسك:

بسمة انور said...

هيييييييييييييييييه
اول تعليق
هييه هيييه

بسمة انور said...

ندخل فى الجد بقى
فى الاول وفى الاخر دى اشتغالااااات
اما لو شفت فى الموقف دة هعمل ايه
انا فعلا عملت مرة شفت اتنين كان ناقص تقوم تقعد على رجله
خد صحباتى ورحنا جنب ودنهم وقعدنا نقول محاضرة فى الاخلاق بقى واللى يضحك على بنات الناس راح من نفسهم بعدين عن بعض
امال ايه هيه سايبة ولا ايه
هههههه

بنوتة said...

السلام عليكم
والله اناشايفة ان احسن حاجة تعملى زى وتكبري دماغك وتعملى نفسك مش شايفة ومش سامعة ومش واخدة بالك
أصل المشكلة ان لو جيتى سألتى واحدة من دول سؤال برئ لمجرد الفهم.. ترد عليكى برضه بنفس البراءة وهى جملة واحدة بتتقال
ايه يا بنتى عادى just friend
ولا عزاء للحياء
وطبعا كل الدنيا بتبقى عارفة نظرة الولد للبنت ايللي ماشية معاه دى كويس الا هى سبحان الله تقولك لالا لالا أنا حاجة وايللي يعرفهم حاجة تانية
ههههههههههههههه
شر البلية ما يضحك
ربنا يهديهم ويصلح حالهم
تحياتى ليكى

الفراشة الصغيرة said...

هقولهم بابا فين
ونقلبها اغنيه
واحتمال يقوموا يمثلوا الاغنيه
هههههههههههههههههههههه

هقولهم حسبى الله ونعم الوكيل
مفيش احسن من الكمه دى فى كل الحالات

المعتصم said...

بسم الله الرحمن الرحيم
السلام عليكم ورحمة الله وبركاته
اختى الكريمة
تحياتى
والله الموضوع للاسف منتشر بشكل كبير جدا بين الشباب والبنات فى الجامعه وحسبنا الله ونعم الوكيل ولو حد حاول يتكلم معاهم بيطلعوه هو اللى غلطان وبيبقى معقد ورخم ومش فاهم الدنيا
لما كنت فى الجامعه(زماااااان)كنت برضو بشوف كده وانيل ومش فى الجامعه بس لا كمان فى المواصلات وفى الشارع
يعوض علينا ربنا فى الاخلاق
بس نرجع ونقول ده من عدم الاهتمام فى البيت وقلة التربيه الصح
اه ممكن يكون الاب والام متشددين فى البيت بس التربيه مش بالتشدد انما بتبقى بالتفاهم والصدق وان الاب والام يكونو فعلا ناس متمسكين بدينهم
انا طولت عليكى كفاية كده ولو ان الموضوع كبير
تحياتى
ودمتى بكل خير وود
والسلام عليكم ورحمة الله وبركاته

zainab said...

حبيبتى flower girl

انتى أثرتى موضوع فعلا يستحق المناقشه

أنا لما كنت فى الكليه و أشوف المناظر الغريبه دى أنا و صاحبتى كنت بقعد مستغربه قوى و أقول هو فى ايه ؟؟؟
ايه اللى بيحصل ده ؟؟؟
بجد ربنا يرحمنا برحمته الواسعه و يهدى شبابناو بناتنا
و المفروض برده البيت له دور كبير

تحياتى

موناليزا said...

هدعى لهن بالهداية

fL0weR-giRL said...

الأخت basma :_

عندك حق فعلا كله اشتغلات
وربنا يستر من الجاي ياما هنشوف

وربنا يهدي

لك كل الشكر والتقدير..........

:)

fL0weR-giRL said...

الأخت بنوته :_

انا فعلا بكبر

بس في مواقف بتحصل ياسبحان الله بتثير الأعصاب

وفعلا نظره الولد للبنت بتبقي وحشه طبعا.....

في مرة كدا حصل موقف بس انا ماشفتهوش اتحكالي:_
كانت بنت ووالدين قاعدين في الزرع الي بيبئي موجود في الجامعه والبنت عماله تقول للولد يالا بئي نقوم ناكل يالا يالا فاقال لها روحي انتي انا مش قادر فاأول مامشيت الولد بيقول لصاحبه الواحد زهق بئي عايز يغير

والهم احفظنا

لك كل الشكر والتقدير :_

fL0weR-giRL said...

الفراشه الصغيرة

فعلا حسبي الله ونعم الوكيل عشان دول فعلا بيشوهوا صورتنا كامسلمين المفروض ان احنا عارفين دينا بيقول ايه كويس

بس حلوة حكايه تقوليلهم بابا فين وياريت كمان ماما فين عشان المفرض ان البنت تكون قريبه من البنت يعني تكون صاحبتها لان علي مااظن ان البنت دائما بتكون اقرب من مامتها اكتر من الأب فالو الأم حاولت تصاحب البنت وتعرف كل حاجة فاهتنصحها بهدوء بردوا عندها خبره عن الحياه عنينا

ولك كل الشكر والأحترام

:)

fL0weR-giRL said...

اخي المعتصم

مشكووووووور كتير علي ردك الجميل دا

وانت قولت حاجة مهمه جدا التربيه مش با التشدد
وانا موافقاك الرأي في النقطه دي بجد اي حاجة ممكن تيجي با التفاهم

والموضوع دا بس مش في الجامعة لالالا دا في اماكن كتيرة بس بتكون في اماكن ماحدش يعرفهم فيها عشان ماحدش يشفهم عارفين ومتأكدين انهم عاملين حاجة خطأ خايفين حد يشفهم ومش خايفين من رب العالمين دا حتي في محطات المترو تلائي بنت وولد واخدين ركن كدا في المحطة بس ايه كدا

بس ماعلينا قوله ربنا يهديهم جميعاااا

ولك كل الشكر والتقدير

:)

fL0weR-giRL said...

الأخت زينب :_


شكرا علي مرورك الجميل

وفعلا ربنا يهديهم جميعااااااااااا


لك كل الشكر والتقدير :)

fL0weR-giRL said...

الأخت مانليزا :_

فعلا ما لنا الا ان ندعوا

قال رسول الله صلي الله عليه وسلم (من لقي منكم منكرا فليغيره بيده فان لم يستطع فابلسانه فان لم يستطع فابقلبه وذلك اضعف الأيمان)*

*الطالبة عفو الله *زوزو said...

السلام عليكم

و الله يا اختي مش لاقية تعليق مناسب

اللسان يعجز عن تعبير مما يراه في عالمنا

انقرضت الحشمة و الحياء

البت فقدت حياءها الي هو سر جمالها

الشباب المسلم بيضيع فعلا تاه وسط زحمة الحياة و ضاعت عليه الطريق الصح
للاسف

مش لاقية غير اننا اقول لاحول و لا قوة الا بالله

و اسال الله ان يصلح حال المسلمين جميعا و يهدينا الا طريق الصواب

بوركتي حبيبتي

fL0weR-giRL said...

الأخت الطالبه عفو الله

شكرا علي تعليقك الجميل جدا داه والله فعلا حاسه ان الواحد بئي يعمل الغلط وهو فرحان كأنه مافيش ولا رقيب ولا حسيب عليه

بس ربنا يهدي الجميع

لا حوله ولا قوه الا باله فعلا


لك كل الشكر والتقدير

:)

م/ الحسيني لزومي said...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

Anonymous said...

يارب تستفادى من مدونتى دى هاتفيدك جدا

http://noureldens.maktoobblog.com

Anonymous said...

بصراحه مدونتك جميله وظريفه

اما عن الشباب والبنات بقيت حاجه لاتطاق

انا كذا واحده اشوف لبسها مش كويس فى الشارع ازعقلها بس ربنا يستر اصل الرجاله بقيت خرفان

وناس كتيره ممكن تتقلب عليا مش تكون معايا

تابعى كيف تصبح رجلا خروفا فى مدونتى بتتكلم عن النقطه دى


http://noureldens.maktoobblog.com

Anonymous said...

كيف يطمع الرجل فى اى امرءه ويتسلل الى قلبها وينتهك عرضها

اغلب التحرشات بالنساء التى تحدث والمعاكسات اما من خلال الكلام مع المرءه او من خلال ملابسها الملفته للنظر والمفتنه

فاحب ان الفت الانتباه الى نقطه مهمه لولا ان المرءه هى من تفتح بابا لذالك

لم يقدر ولم يستطيع اى رجل ان ياخد من اى انثى شى الا اذا ارادت هى

بمعنى هناك معاصى يستهين بها الكثير ولكنها هى سبب كل مصائب

لقد قال الله للنساء فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَّعْرُوفاً }الأحزاب32
وشرح الايه
يا نساء النبيِّ -محمد- لستنَّ في الفضل والمنزلة كغيركنَّ من النساء,
إن عملتن بطاعة الله وابتعدتن عن معاصيه، فلا تتحدثن مع الأجانب بصوت لَيِّن يُطمع الذي في قلبه فجور ومرض في الشهوة الحرام،

وهذا أدب واجب على كل امرأة تؤمن بالله واليوم الآخر, وقُلن قولا بعيدًا عن الريبة, لا تنكره الشريعة.


فالخضوع بالقول معناه ان تتكلم المرءه بكلام رقيق او لين او به دلع او ميوعه

فهذا هو سبب من اسباب طمع الرجال فى النساء
ولكن الكثير من النساء لم ينتبهن الى هذه الايه العظيمه ويتعاملن مع الرجال بالكلام الرقيق واللين

واحيانا تصل الى الهزار باليد والكلام فى الحوارات الخاصه والمواضيع الجانبيه
واحيانا الكلام يصير ناعما من جانب المرأه مع الرجال فتحدث الكارثه وهى لاتدرى
مما ينتج عنه ان يعشق الرجل هذه المرءه فينتهز ادنى فرصه تاتى له لياخذ مايريد من عرضها

فيدبر لها مايدبر الى ان تاتى هذه اللحظه التى ينتهز فيها الفرصه
وتكون هذه المصيبه اسرع واقرب اذا ماكان الرجل والمرأه يجمعهم مكان واحد
سواء فى الجامعه او المدرسه او الوظيفه


وهناك انواع اخرى من المعاصى تؤدى الى الطمع ايضا
منها الملابس الفاتنه والضيقه وانواع اخرى من المعاصى
ولكن هذا ابسط مثال

فانتبهى لنفسك ولاتستهينى باصغر المعاصى فان معظم النار من مستصغر الشرر
كتب الموضوع واعده نور الدين سويفى
30/9/2008


http://noureldens.maktoobblog.com/

Anonymous said...

الحب يعنى ايه يعنى صراحه
مقتطفات من القصه
- الحب لما بيفقد الثقه و الصراحه فية يبقى مبني على غلطة و وهم كبير .....
- الكدب اقرب وسيلة للخيانة , و اللي تستمر على علاقة مع واحد كداب , تبقى تستاهل اللي يحصل سواء قبل الجواز او بعدة

الحب يعنى التعاون والمشاركه
- من اركان الحب الاساسية و في أي علاقة بين اتنين هنلاقي التعاون و المشاركة ..
- و لو فقدنا احساسنا ان الطرف التاني في العلاقة مش بيشاركنا و يتعاون معانا في كل حاجة في حياتنا , يبقى بنفقد الاحساس بوجوده في حياتنا , و بالتالي بنفقد الاحساس بحبنا لية ....
- الدين الاسلامي بيقول ( و تعاونوا على البر و التقوى و لا تعاونوا على الإثم و العدوان


الاخلاص لان الخيانه ليست خيانة جسد انما خيانه قلوب ايضا
الحب :- صراحة مش كدب و نفاق ...
- الحب :- مشاركة و تعاون في الخير و طاعة الخالق مش في المعصية ...
- الحب :- إخلاص مش خيانة و تجريد من الايمان و الحياء و مكارم الاخلاق


الحب يعنى العطاء , التضحية , الإيثار
و كمان الايمان مش بيكتمل من غير ما انفق مما احب .........
- ( و انفقوا من طيبات ما رزقناكم ) ( اعطوا الطعام على حبة


الحب تفاهم
مفيش طرف يقدر يسيطر على التاني لمجرد انه اذكى او اكبر في السن ....
- التفاهم يعني اقدر اقرأ الافكار من غير مجهود و كلام كتير ....
- التفاهم يعني من نظرة اقدر افهم الامر و انفذه .....
- التفاهم يعني بكل سهولة اقدر اعرف الطرف التاني محتاج ايه , و احاول اوصل معاه لحل يرضينا سوا ......
التفاهم بيولد جوانا التسامح و طيب الاخلاق
فعلا التفاهم شرط اساسي في تكوين علاقة ناجحه ......
- يبقى الحب من شروط اكتماله ( التفاهم )


من اركان الحب الاساسيه اللي لا غنى عنها و كمان من اركان تكوين الشخصية هو الاحترام ....
- الاحترام من صفات اي شخصيه ايجابية ....
- الاحترام من مكونات الشخصيه و ده شيء كلنا عارفينه ....
- لكن في حاجه تانيه اسمها الاحترام المتبادل
التعليقات السابقه من قصص حب من واقع الحياه لباسم فوزى

اما تعليقى

واخيرا اقول ان مابنى على باطل فهو باطل يعنى اذا كان الاختيار على اساس المال والجمال والحسب والنسب فهو زائل

اظفر بذات الدين كما قال الرسول لذلك بسبب بعدنا عن الدين ظهرت المشاكل وارتفعت نسبة الطلاق فهلا رجعنا الى الله من جديد فبابه مفتوح للرجوع اليه حتى ننعم بحياه سعيده ويرفع عنا مانحن فيه من مصائب
للعلم
لايوجد مايسمى حب قبل الزواج لانه تسليه ليس اكتر

من يتعرف على انسانه قبل الزواج يشك فى تصرفاتها بعد الزواج وتنشئ بينهم المشاكل وهذه من تجارب لاناس كثيره

وكثيرا مايحدث ذلك
كتب لكم المقدمه والتعليق
نور الدين سويفى
2/6/2008

fL0weR-giRL said...

غير معروف
***********

مشكور كتير علي تعليقك

وان شاء الله راح ادخل المدونه