BLOGGER TEMPLATES AND TWITTER BACKGROUNDS »

بــــــــــ فهــمت ـــــك

بـــ فهـمت ـــك
بك فهمت مايقوله الشعر والشعراء

وتألمت بكل ماقاله العشاق

حينها فهمت كم احببت هذا الفتي المشتاق لحبيبته التي تركته يتألم من الفراق

حبي لك لم يكن كذبا بل قد فاق عن كل الأفاق

فماذا عن حبك لها هل كان مثل العشاق

أخبرني !!!! ياليتني أعلم بما كان ف قلبك من أشواق

اهذا خطأي انني أحببت شخصا لم أعرف مابقلبه من حب كتب فيه كل الأشعار

ياصديقي هل أستطيع ان أنسي أم سيظل حبه بقلبي الي الأبد معي ليل نهار ؟

.
.
.
.


█▓▒░وداعـــــــــــاً إلي حين القاكـــــــــم █▓▒░


هلا وغلا بكل المدونين زي ماأحنا عارفين الدراسه يوم السبت
وانا أختكم المسكينه بكليه اللي بيدخلها بيقول علي نفسه يارحمن يارحيم
والدوام عندنا بيبتدي قبل الدراسه بأسبوع ( أكيد بضحك طبعا ^_*) لالابيبتدي
في أول اسبوع وتبدأ معاه ليالي الكأبه والتعب والسهر والخوف والقلق وحجات وحشه كتير
ربنا مايكتبها عليكوا ألا وهي كليه المكتأبين
وكليه العباقره ( أنا مش منهم طبعا ^_^) كليه كل ماتمشي فيها خطوه ماتلقيش حد بيضحك خالص كلهم ضربين بوز وعاشمنا عليك يارب ( بس أنا الوحيده انا وصحبتي اللي كسرنا القاعده وبنضحك ) احم احم عارفين طبعا هي كليه ايه كليه العلوم حسبي الله ونعم الوكيل


بصراحه الواحد حبها بعد ماكان بيكرهها بس الكليه
دي غداره زي البحر فا مش بتدينا فرصه نحبها وربنا يستر
يعني مهما قلت عنها مش هقدر اديها
حقها بصراحه والي عملاه فينا لايحصي ولايعد مش كفايه بنتخرج معقدين ههههه

انا راحه يوم الأحد ان شاء الله ونفسي اروح والاقي
حالي في القسم اللي انا بدي ياه انا وأعز رفيقه عندي تكون معي في نفس القسم وهو القسم الذي اعشقه قسم الرياضيات
ادعولي ادخل القسم داه انا ورفيقته العزيزة ميرو (قالي الوداع قلت أشطه ) دا بردوا من تأثير كليه علوم احم هضرب منها يالا

والحمد لله الواحد لو دخل القسم داه هيخلص من المعامل الكيمياء والفيزياء بس معامل الكيميا محبوبه عن معامل الفيزيا لاني مش بحب معامل الفيزيا خالص ( أيموشن بيشد في شعره طبعا من معامل الفيزيا ) ليه بقي كنت بحب الكيميا عشان الألوان اللي كانت بتطلعلنا كنا بنفرح بيها وندلقها عل
ي البالطوههههه ونبقي فرحانين بالبقع اوي ليها متعه تانيه خالص
غير حمض الكبرتيك اللي كان بياكل الملابس يعني الله يخليكي لينا يامعامل الكيميا وتكلي فينا وفي لبسنا زي ماأنتي عايزة ( كلنا فداكي ياعلوم ) انتي ومعاملك طبعا



هتوحشيني يامعاملي هتوحشيني معامل الكيميا طبعا بس في حد في البيت بيفكرنا بيها اختي العزيزه غربتي (مدونتها غربتي ) هي كمان واخده أجازة من التدوين عشان الماجستير وهي اصلا بقت بتكره الكيميا من كتر اللي بتشموا وبتشوفه منها بس انا بحبها والله فربنا يعنها ويعني انا اكتر والاقي نفسي في رابعه انا وصحبتي واسمع كلمه التخرج وهتبقي فرحه جاااااااااامده جدا جدا

ولكن بقول لمعامل الفيزيا غوري بلا رجعه يااارب بكره الفيزيا موووووت




كانت احلي حاجه في المعمل طبعا معروفه رائحه البيض الفاسد بس مش بيض H2S ومقدرش انسي
فاسد دي حاجه تانيه بلاش نوضح احم احم كنت مش بحب اشمها لان رائحتها العطره بتخليني ادوخ طبعا من كتر جملها

ادعولي انا وأختي هي تخلص رساله الماجستير وانا ادخل القسم اللي عيزاه



رياضيات رياضيات بنخدها من صغرنا جمع وطرح وقسمه والضرب داه مش عندنا

انا فرحانه اني هرجع كليتي وهشوف ناس بجد وحشوني موووووووت بس كل سنه في الكليه ديه بتبتدي بالخوف والرعب والقلق بس ربنا معانا وتوكلت علي الله رب العالمين




وطبعا بعد كل الكلام اللي علي الكليه دي انا مش هدخل تاني الا في اجازة اخر السنه ان شاء الله ادعولي بالنجاح والتوفيق



بجد هتوحشوني كلك
وفي ناس بجد بحترمهم وبحب مدوناتهم جدا جدا جدا زي مين

أخي العزيز ( المعتصم ) ومدونته مش عارف

أستاذي ( احمد الصعيدي ) ومدونته أحمد الصعيدي

و( لاسع افندي) ومدونته تخاريف مشكله

والرايق (عمـ زناتي) ومدونته الروقان مع كوبايه شاي لحد ما الشاي اللي في البلد خلص نياهاهاهاهاها



وفي بجد ناس بحبهم من اعماق قلبي والله علي ما أقول شهيد
غربتي ومدونتها (غربتي ) طبعا عشان اختي احم احم

وعاشقه الأحزان ومدونتها ( احزان ايناس ) أنوستي وانا بحبها في الله جدا جدا جدا وبتمنلها السعاده يارب وربنا يحققلها كل ماتتمني يارب يارب من غير ماأشفها حبتها بجد

بسمه صلاح ومدونتها ( ايام زمان ) بحبها جدا جدا جدا ويارب يوفقها وهي اول سنه ليها هنا في مصر المحروسه ويارب يسرلها الحال امين يارب


وكل الناس اللي كانوا بيمرو عندي بشكرهم جدا جدا جدا واحد واحد وبقلهم كنتوا دايما منورني

وطبعا حبيبتي وصديقتي ميرو ( قالي الوداع قلت أشطه ) طبعا هنبقي ان شاء الله في الكليه مع بعض ويارب ندخل قسم واحد يارب

وحبيت ارسل لكليتي شعار واشعار وتخاريف

سنه ورا سنه كاتمه علي نفسنا

ولا راحه ولا نوم ولا حتي بتحبنا

جايز يارب يكون فيها خير علي قلبنا

ونلاقي فيها مستقبل مستقبل يضمنا
...
اورقنا في كل مكان علي الارض وعلي المكتب

حتي لما بنام كوابيس علي راسنا بتنزل

جايز يا رب يكون فيها خير علي قلبنا

ونلاقي فيها مستقبل مستقبل يضمنا
....
زي الساقيه بندور محاضره ورا محاضره

وكله علي دماغنا يكون ولا منهج بيرحمنا

جايز يا رب يكون فيها خير علي قلبنا

ونلاقي فيها مستقبل مستقبل يضمنا
....
عين شمس يا جامعتنا بتربي في عزوتنا

دكاتره اد جدودنا شايلين في دماغهم ذكري

للعقده اللي وخدهنها من قبل جيلنا احنا

و
جايز يا رب يكون فيها خير علي قلبنا

ونلاقي فيها مستقبل مستقبل يضمنا

............



طولت عليكم جدا لاتنسوني من دعائكم
والي اللقاء

ووداعا وفي رعايه الله وحفظه

وداعا حين القاكمـ

الحبيب المفقود


الحبيب المفقود

نظرت في عيني فلم اجد غير صورتك المحفوره في أعماق قلبي

بحثت عنك فلم أجد سوي صور مبعثره في داخلي

تمنيت أن أجدك بجانبي وأستغني عن هذه الصور

لو تعلم كم اتمني وجودك بجانبي

ياهمس الأحساس وأحلي المشاعر

هل سيطول الأنتظار ام سأظل أعاني هكذا طول عمري

حبيبي أنت الحقيقه والخيال والأحلام والأماني

عندما تغفي عيناي أشعر بأني قد أنتقلت الي عالمك

عالمك الذي طالما تمنيت أن أعيش معك فيه ونرسم أحلامنا علي جدرانه

اذا نظرت الي السماء لاأري غير وجهك الذي رسمته في مخيلتي

يشرد فكري بين حروف أسمك ويرسم وراءها صورا وصورا

ولايرتاح عقلي من كثر التفكير بك يامني قلبي وفرحه عيني


وان أغفي عقلي من التفكير بك فلا تغفي روحي عن ذلك فأنت في أحلامي ودائما معي


فأين انت؟ ومتي ستأتي ؟


فأنا دائما اتمني لقائك اجل فأنت الحبيب المفقود




دي بقي والكلام اللي مالوش معني داه

بقلمي انا ****


أوعدني عني ماتغيب

تبقي هنا جنبي قريب

محتاج أنا مثلك حبيب يفهم عيوني وضحكتي

فيك أنت حلمي من زمان وأنت الهوا وأدفي حنان

تلقي معك روحي الأمان

ياأحلي بشر في دنيتي

أوعدني عني ماتغيب تبقي هنا جنبي قريب محتاج أنا مثلك حبيب يفهم عيوني وضحكتي




وحدك أبيك والله أبيك

بس تكفي طمني عليك

مابي أحد يشغل عنيك أموت أنا من غيرتي

مابي أحد يشغل عنيك أموت أنا من غيرتي

فيك أنت حلمي من زمان وأنت الهوا وأدفي حنان

تلقي معك روحي الأمان

ياأحلي بشر في دنيتي




خذني معاك ياأحلي ملاك

خلني أنا أحيا بغلاك

حياتي من دونك هلاك وحدك حبيبي وجنتي

حياتي من دونك هلاك وحدك حبيبي وجنتي

فيك أنت حلمي من زمان وأنت الهوا وأدفي حنان

تلقي معك روحي الأمان

ياأحلي بشر في دنيتي



أوعدني عني ماتغيب تبقي هنا جنبي قريب محتاج أنا مثلك حبيب يفهم عيوني وضحكتي

,,,, مش بقلمي ,,,,,



احلام مبكره

سرحت بفكري الي الأمام

سرحت في عالم من الخيال

سرحت في مستقبل من الأوهام

وجدت به فتي الأحلام

فشرد ذهني الي هذه الأيام

عندما اجد من في الوجدان

فارس ليس مثله من الشبان

يأخذني معه الي عالم النسيان

يجعلني افكر بما ليس في الحسبان

يشعرني بأني لم اتعلم فنون الحب والعشق والهيام

يشعرني بأني اميره لكل الأزمان

يشعرني بأني طفله امام عيناه الحنينتان

يسمعوني كلام لم اسمعه قبل من انسان

وهاهو صوت يجعلني افزع من هذا المنام

والتفت حولي بحثا عن هذا الأمير الفتان

فلم اجد اي اثر فأدركت انها مجرد احلام

دمــــــ الـ ـ ـ ــ م ــــــــعه


زاد في قلبي الألم

وعاد لعيني الحزن

باتت احاسيسي بصمت

وصرخ صوتي بالأمل

لاتحزني ياعيني لاتتألم ياقلبي فاليسر آت ذات يوم

لاتعتقد ان احلامك قد هربت منك وأمالك قد بعدت عنك

بل هذه حياه لابد ان تكون يوم لك ويوما عليك

تقبل كل شئ بالحمد وادعوا رب كريم تواب رحيم

وبشر الصابرين هكذا قال رب العالمين فاصبرليس لديك غير الصبر

دمعه الم لن تفيد شئ فهذا هو المكتوب لك

فكم عانيت ياقلبي من الم الأنتظار والم الضياع

فهذه دنيا فانيه بلا شك


انــســـ ياقلبي ـــــي

ليه ياقلبي بتفكر فيه

ومش قادر تنسي لون عنيه

بكره يجيلك الأحسن منه

وتندم في يوم انك فكرت فيه

ازاي بسهوله قدر ينسي

للدرجادي قلبي هان عليه

كل حلم من احلامي لقيته فيه

وفجأه اتحول لسراب بدور عليه

ماتسيبك منه بكره يندم ويحس بقيمه اللي كان في اديه

ياسلام علي الدنيا لما بتضحك للواحد في عز جرحه وتناديه

وتقله انسي مافيش حد في الدنيا يستاهل يتزعل عليه

وقبلته وجت عيني في عنيه

ودورت وشي الناحيه التانيه

وقلت لقلبي ياريتك مافكرت فيه

داه ماكنش حب ياقلبي لأ دا كان وهم كنت عايش عليه

.
.
.
ياااااااااااااه اد ايه الواحد بيحس حاله ماليه شخصيه لما يدي لأنسان مايستهلش اكتر من قمته
بس دي دنيا واهو بنتعلم


وع ــــــــجبي


كلام الناس بيأثر فيا ..

والدمعة بتفر من عينيا

واقول لقلبي اشتري نفسك دي دمعتك غاليه عليا ..

وابعد عن الناس ولو شويه والاقي الفرحة ماليا قلبي وانسي الجرح اللي بيا ..

واقنع نفسي ان مش هقدر اعيش من غير الناس واكيد الغلط فيا ..

وارجع تاني يا سلامـ دا فيه ناس سالت عليا ..

وافرح ان فيه حد بيحس بيا ..


بس شكل كدا النكد حاجه اساسيه ..

في عز فرحي بلاقي ناس مستكتره الفرح ليا ..

انا عايزه اعيش لوحدي في دنيا مفهاش الناس ديا ..

مش عارفه الناس بتبقي حلوة لما يكونوا ناس مفتريه ..

ما هما دول اللي بيتصحبوا وبيكونوا اجدع ناس علي مستوي الجمهوريه

يا ناس ارحموا نفسكمـ وبلاش تجيبوا سيرة الناس بالطريقه ديا ..

عجبي عليك يا زمن الظالمـ هو اللي ليه مكانه ومعزه في قلوب ناس غبيه ..

وياريت الناس تتغير ويكون في قلبها حنيه ..

/
عن أبي هريرة رضي الله عنه قال : قال رسول الله صلى الله عليه وسلم : ( من حسن إسلام المرء ترك ما لا يعنيه ) حديث حسن رواه الترمذي وغيره


مش عارفه هي الناس عارفه الحديث دا ومش بتعمل بيه والا اساسا ما تعرفوش .. الله يهدي



جوزيني ياما


يانساء العالم اتحدوا
فأنتن محتاجين الي بعض التوعيه السليمه

سعات بحس ان احنا مغلوبين علي امرنا ...ازاي ...
من هنا تبتدي الحكايه
الأم :يابنتي ام فاروق جرتنا جيبالك عريس يبقي ابن اختها وعيزاكي تشفيه
البنت:لاياماما انا مش عايزة اتجوز بالطريقه دي
الأم:مش عايزة تتجوزي بالطريقه دي ازاي اومال هتفضلي قاعده جنبنا كدا يابنتي احنا عايزين نفرح بيكي ونغيظ جرتنا ام شوقيه الفرحانه ببنتها اوي دا حتي انتي احلي من بنتها بس سبحان الله عرسها زي القمر انا عارفه اتجوزها ازاي واهي اتجوزت اهي وخدها معاه السعوديه

البنت: اللي يجوز يجوز انا مش هتجوز بالطريقه دي ومتحاوليش معايا وسبيني الوحدي دلوقتي عشان انا مخنوقه
وبعد خروج الأم تبدأ البنت بالبكاء وهي لاتعلم ماهو مسيرها الأسود ان تزوجت او لم تتزوج وهل عليها فعلا ان تستمع لكلام امها ام تظل جنبها ويطلق عليها حين اذا عانس مع مرتبه الشرف
ال

الأم :يابو محمد الحق بنتك مش راضيه تشوفه وقال ايه مش هتتجوز بالطريقه دي

وبعد سماع ابو محمد لهذا الكلام فقد جن جنونه لخوفه علي بنته التي سوف تجلس بجانبه بسبب هذا الكلام ودخل عليها غرفتها ....
الأب :ايه اللي انا سمعته داه هيجي الولد وهتشوفه والا هتفضلي قاعده جنبنا وبعديها يا اما ترفضي او توافقي
الأم:ايه يابنتي ما كل الناس بتتجوز ب الطريقه ديه ايه هتغيري الكون دا حتي انا والحج ابو محمد ابوكي متجوزين كدا دا اول ماشفني اتسطل ووافق علطول مش كدا يابوا محمد
ياعيني رغم ان الراجل معيشها ايام سوده وكل يوم بيفطرها ويعشيها ويغديها ب الضرب بس اهي ست اصيله
الأب :طبعا ياامو محمد وبينه وبين نفسه (الله يلعن اللي يوم الشفتك فيه )
طبعا مهما اصلا مش بيعجبهم العجب ولا الصيام في رجب
البنت: خلاص يابابا اللي تشوفه
الأب :خلاص ياام محمد قولي لأم فاروق جارتنا تقلهم يشرفونا الخميس الجاي

يااااااااه اد ايه احنا بننظلم ومع ذلك الرجاله بيحسيسونا ان احنا مفروضين عليهم الراجل بقي اللي امه لما تقوله تعالي يابني شوف فلانه بنت فلانه يقولها لا انا مابرحش اشوف حد ويختار بنفسه ويروح هو كدا راجل ملو هدومه يتقدم مش ياخد البيت كله معاه يتفرج

وجاءت اللحظه الحاسمه.....عندما ذهب العريس الي منزل العروسه المغلوبه علي امرها
وبعد حوار كبير بين اهل العروسه واهل العريس وطبعا خلاص البت شافته وهو شافها
تهمس الأم همسات في اذن ابنها المحروس (ايه رأيك ياابني )

والمحروس طبعا قال موافق خلاص يبقي البنت لازم توافق وخير البر عاجله ويالا الفاتحه بقي وطبعا بعد ماخدوا رأي البنت وهي طبعا عايزة تفرح اهلها بيها ومتزعلهمش بغض النظر عن العيوب اللي فيه طخين وقصير وسنته طايره وحالته حاله
وبعد الطرفين خلاص موافقين بقي يبدأ سلق البيض وهما لن يعلموا مصير ابنتهم المؤساوي


في بنات كتير جدا بيتحطوا في المواقف دي بسبب الهروب من مرض العنوسه ومتبقاش عانس وتبقي سيرتها علي افواه الغير عقلاء ومعظم الجواز بهذه الطريقه بيكون جواز فااااااااااااااااااااشل لان البنت ياعيني بتبقي مغصوبه تتجوز والأمور والخلفات البتحصل بعد الجواز دي وزي مابيقولوا بعض الرجال الست بتعتي منكده عليا عشتي هتكون منكده عليه عشته ليه ان شاء الله مش من عمايله السوده البتخلي الست تغلي من جواها
لا بقي هي لازم تكون زي الخاتم في صباعه يعمل اليعمله وهي تقله سمعا وطاعا ياسيدي
والمشكله الكبيره بقي ان الراجله كلهم بيتغيروا بعد الجواز يعني يقعد يعمل نفسه الواد اوي رومانسي قبل الجواز وكل يوم هدايا وكل دقيقه اتصال ازيك دلوقتي انتي بتعملي ايه .. تصبحي علي خير ..تعرفي انا حلمت بيكي امبارح احلمي بيا انتي انهارده

وبعد الجواز يقعد يضرب فيها كأنها جاريه عنده ويتحول الي فك مفترس لو عملتله محشي يقولها ايه الأكل داه انتي ايه مابتفهميش انا قلتلك مكرونه بشمل ...لو أتأخر في الشغل وخافت عليه ليكون حصله حاجه وتتصل بيه يقلها انتي بتتصلي بيا ليه هكون فين يعني ياست هانم بشتغل عشان اتفحك انتي وعيالك ولاعملالي فيها المفتش كرومبو


بجد انا زعلانه علي حالنا اووووووووووووي وياريت عاجب لا بيفتكرونا متطفلين عليهم وبيفتكروا ان الست بتطلب الطلاق طمعا للمأخر والبيت والعفش ماهما رجاله طبعا مابيحسوش الطلاق دا بيأثر في الستات اد ايه وازاي بتتعقد لو جزها سبها وازاي بتاخد كلام من الناس علي الرايحه والجايه


لكن للأسف كل اللي بيحصلنا داه بسبب ان احنا مش بنتقي ربنا والرسول صلي الله عليه وسلم كان بيعامل زوجاته احسن معامله وكان حتي دائما يستشرهم مش بيعملهم زي اي كرسي في البيت مالهاش رأي ولا قيمه خالص

ف النهايه لو سواء الست اتقت ربنا ف جوزها او الراجل اتقي ربنا ف مراته ربنا هيخلي حياتهم ذي العسل ومافهاش مشاكل بس مين بيتقي ربنا ف حد ف الزمن داه
ومن يتقي الله يجعل له مخرجا )




الصـــــــــــبر طــــــــيب






محاذاة إلى الوسطلو كل يوم فكرنا في المشاكل والأحزان

ماكناش هنعيش في الدنيا بسلام وامان

وليه ياقلبي نفكر ربنا انعم علينا بنعمه النسيان

لو شلنا هموم الدنيا فوق رسنا هنحس بخوف والام

مانقول يارب سهل ونتوكل علي الرحمن

رب العالمين خلقنا وهدانا بالقران

اكيد الصبر طيب ودي رساله من المنان

يارب احمينا دايما واحفظنا من الشيطان


.............................
بجد سعات الواحد يقعد يفكر هو بكره هيحصل ايه طيب ليه نقعد نشغل تفكرنا بحجات مافيش حد يعرفها غير اللي خلقنا او حتي نفكر ف حاجه كانت من الماضي ونقول لو ماكنتش عملت كذا ماكنش حصل الحصل
طـــــــــــــيب ليه منحاول نعيش الحظه اللي عيشين فيها وخلاص ومنفكرش ممكن يحصل ايه بكرا ونقول يارب يكون الجاي احسن من اللي فات ونتوكل علي رب العالمين
الواحد ممكن تقبلوا مشكله يقعد يفكر فيها كتير ويديها اكتر من حجمها وتأثر علي حاجات تانيه في حياته
بجد لما بيحصل مكروه لأنسان ويحمد ربنا عليه ويقول احسن من غيره اكيد ربنا هيفتحها عليه
بدعي لرب العالمين ان يكون الجاي ف حياه اي انسان افضل من اللي راح وكل واحد بيتمني حاجه ربنا يحققها
ــــــــــــــــــــــــــــــــ
FloweR-Girl

مبرووووووووووووووك (لولولولولولولولولولولوي)





الموضوع دا مختلف شويه عن باقي المواضيع بس انا معرفش ليه انا حبيت اكتبه
يمكن عشان بحب صديقتي بجد ودي مش بس صديقتي دي رفيقه ]ربي ويارب تكون رفيقه دربي علطول اليوم كانت ظهور النتيجه والحمد لله نجحنا بس انا فرحاااااااااااااااانه مووووووووووووووووت ليها ان هي نجحت وهنكمل مشورنا الجميل مع بعض ان شاء الله علطول
وانا معرفتهاش الا من سنتين فقط وكانا لسه منعرفش ان احنا هندخل مع بعض نفس الكليه سبحان الله كأن القدر جمعنا من الأول بصدفه عشان نفضل مع بعض علطول ان شاء الله
اول مره شفنا بعض فيها ابتسمنا لبعض وبعدين اتعرفنا علي بعض زي اي اتنين بيتعرفوا علي بعض جديد واخدنا ارقام بعض وشاء القدر ان يجمعنا اصدقاء فعلين اصدقاء الدرب وليس مجرد تعارف فقط عند ظهور نتيجه التنسيق لقينا ان احنا الأتنين دخلنا نفس الكليه اه عانينا فيها بس ربنا كان معانا
كنت بتوقع ان لو يوم افترقنا كنت هحس اني وحيدة والله انا فرحانه ليها اكتر مافرحانه لنفسي وبقولها ياه امتي ترجعي ونتجمع تاني ونرجع الأيام الخوالي هههههههههههههه ويارب نحقق الأحلام القعدنا نتخيلها مع بعض
وانا حبيت اقولها عبر الأقمار الصناعيه مبروووووووووووووووووك وفرحنالك من اعماق اعماق قلبي ويارب من نجاح لنجاح




أوهــــــــام وأحلام




احلام و أوهام
:
تمر السنين وتعدي الأيام
وانا واقف مكاني معتمد علي اوهام
خايف من بكره يكون اصعب واحس ان حياتي كلها احلام
مش عارف انا هفضل احلم و أحلامي هتهرب وتنام
وبدعي لربي من قلبي ان اعيش حياتي بسلام
وألاقي حقيقه قدامي واعيشها وانا فرحان
فينك ياصحبي تواسيني من مر وحرمان
................
احيانا لاتعرف من اين تبدأ فتبدأ من المنتصف او تقفز الي النهايه اولاتبدأ علي الأطلاق ولكن ذلك الأمر غير مهم اذا كانت افكارك مبعثره مشتته مش عارف انت عايش حقيقه ولاا أحلام نفسك تحققها وفجأها تلقيها سراب تطير ف الهوا
**********************
اضافه تعليق

اقـــــــوال


اقـــــــــــوال اعجبتني

_اذا سبك احد بكلام جارح وانت صابر عليه وهو يواصل فقل له قل ماشئت في مسبتي فسكوت عن الئيم جواب ما انا بعديم رد ما من اسد يجيب الكلاب

_اذا جاءك من يقدس او تقدس الحب بدون عقل فقل له لاتعتمد علي الحب فهو نادر ولاتعتمد علي انسان فهو غادر ولكن اعتمد علي الله فهو القادر

_اذا امعنتم النظر في انسان يريد التعرف اليكم ولم تعجبه نظراتكم فقل او قولي له لاتلمني اذا اطل فيك النظر لان خيانه الأصحاب علمتني الحزر

ذا اردت نصح صديقك الذي ينقم علي حال المعيش دائما فقل له صغير يطلب الكبر وشيخ ود لو صغر وخال يشتهي عملا وذو عملا يشتكي ضجرا ورب المال في تعب وفي تعب من افتقر اهم اختاروا مع الأقدار ام هم خيروا القدر؟؟

_اذا اردت ان تنصح صديقك الذي يتذلل ويرخص نفسه للمسئولين او الأغنياء فقل له لاتخضعن لمخلوق علي طمع فأن ذلك نقص منك في الدين لن يقدر عبد ان يعطيك خردله الا بأذن من سواك من طين فلا تصاحب غنيا تسعتز به وكن عفيفا وعظم حرمه الدين واسترزق الله مما في خزائنه فان رزقك بين الكاف والنون

_اذا اكتشفت خيانه من يدعي الأمانه فقول له تعصي الأله وانت تظهر الحب هذا لعمرك في المقال بديع لو كنت تصدق حبه لطعته ان المحب لمن يحب مطيع

تزول الدنيا وانت لاتدري اذا جاء اليل هل تعيش الي الفجر وكم من فتي امسي واصبح ضاحكا وقد سجنت اكفانه بالغيب وهو لايدري وكم من عروس زينوها لزوجها قبضت ارواحهم في ليله القدر وكم من صحيح مات بغير عله وكم من شخص مات من الدهر فمن عاش الفا او الفين فلا بد له يوما ان يسير الي قبره
----------------------------------------------------


همــ وأنـــــــــزاح


يااااااااااااااااااااااااااه من هنا لبكرا
اخيرا خلصنا اختبارات الحمد لله
^_^


بحبك ياااااااااا علوووووووووووووووووووم


ياخساره والف خساره وااااااااااااااه حسرتاه

لقد عادت ايام التعب والسهر ايام الكليه
وياريتها اي كليه بل هي كليه العقد
اللي بيتخرج منها مابيتخرجش سليم يا اما معقد يا اما مجنون يا اما قرب يموت من العذاب اللي بنشوفوه
اكيد عرفتوها...........................

كليه العلوم (والله مفروض يسموها كليه العقد )
جلنا مره مصطفي حسني وبقا يقولنا ان هو عايز يوصل رساله مهمه لينا ان احنا يبقا عندنا امل اكتر من كدا وانه اول مادخل من باب الكليه الدكاتره بقوا يقولوا علينا اننا معقدين وبنكره الكليه ومخنقين منها (طيب ياختي لماهما عارفين حالتنا اوي كدا مايرحمونا)

كنت اول سنه ليا السنه الي فاتت واول مادخلت بس فات اسبوع علي الدراسه ولقتكم بيقولوا في معمل الكيمياء عندكم امتحان الأسبوع الجاي قولت يالهوووووووووووووووي هو احنا خدنا حاجة

وخدوا من دا كل شويه امتحان امتحان امتحان لغايت لما ناسوني اسمي وبقيت معلقه علوم علوم علوم اي حد يسألني اسمك ايه اقولهم علوم
والله لما حد يسألني انتي في كليه ايه اقولهم علوم يقولولي اعوذ بالله ابعدي عنينا (كأني جرب يعني )

وننطحن وفي الأخر ننصدم با النتيجه

الواحد والله من اول السنه مطحون نخرج من بيتنا يوميا من الساعه 6 صباحا ونفضل في الكليه محاضرات ورا بعض وسكاشن لغايت 8بليل يعني نروح بيتنا 11
والمشكله بيقولونا ذاكروا يا اولاد اول بأول (ال يعني في وقت اوي )

والله الواحد من كتر المذاكرة دماغوا بقت اد كدا





معكم المرحومه مقدما *Flower girl *

ادعولي انجح عشان دماغي هتفرقع عماله تودي وتجيب وخايفه اوي

واليكم هذه المقطوعه

شيل دا من دا ........... يرتاح دا عن دا

وكفايه كيمياء .....وكفايه بحته

وانا من النهارده مش ممكن ارضا دماغي تكبر تاني

ياما كنت انا من الأول بحلم ابقا طبيب ...فجأه حلمي كدا يتحول فجأه ...والاقي نفسي مريض

ولاحاجة فيكي ياعلوم عدله ...ولا فيكي قسم سهل بسيط


:
:

معلش طولت عليكم بس انا مش هقدر ادخل كتير المدونه لانه هبدأ اخوض المعركه

وادعولي كتيرررررررررررررررررررررررررررر



الفرااااااااااااااااااااااق



الفراق

كنت اعلم بأنه سوف يأتي موعد للفراق

وهاهو اليوم فقد أتي الفراق

لا أذن أنني سوف انسي

فهل من السهل النسيان

عندما كنت أراه اشعر بسعادةمحاذاة إلى الوسط

فأين سأشعر بسعادة بعد الفراق

أريد أن يكون حلم وأتمني انه لا يتحقق

فليس بيدي فعل شئ فقد فارقني والي الأبد

هل سأراه مره أخري

هل سألقاه

هل.............هل..............هل........؟؟؟؟؟؟؟

منذ هذه الحظه وأنا لن ارتاح من التساؤل

يا ليتني لم أعش هذه الحظه

فلقد شعرت بالحزن والضيق

ولم أتمالك نفسي وأسرعت بالبكاء

لقد ذهب ولن أراه مرة أخري

يا ليت باستطاعتي أن امنعه

ما كان هذا حالي .....................

***فمهما حاولت ان اكتب
لن يعبر عن مدي الحزن الذي بداخلي***

الفراق

--------
دمعة مرة وإشتياق قاتل


الفراق
--------
جرح عميق تبقى أثاره موجودة


الفراق
--------
سهم قاتل


الفراق
--------
ذكرى في القلب تبقى للأبد


الفراق
--------
وداع أعمى

عيد حب سعيد واحمد سعيد وسعيد نفسه ^_^ ** ^_^


ياسلام انهاردة عيد الحب ياجماعه هتبئي الدنيا كلها احمر ف احمر
قال عيد حب قال
انا لغايت الصف الثالث الثانوي وان اعرف ان احنا عندنا عدين بس
*عيد الفطر* *
وعيد الأضحي*
بس لما دخلت الجماعه يااااااه الي ياما شفت فيها حجات لاتحصي ولا تعد
ويارتني ماشفتها
عرفت ان فيه عيد اسمه عيد الحب
شوفوه اد ايه الناس بتحب تدي كل حاجة حقها حتي الحب
اصل الحب ياما شفنا منه عشان كدا لازم نعمله عيد
سبحان الله المشكله ان احنا اي حاجة تيجي علي هوانا نمشي وراها من غير مانعرف الحاجة دي هتغضب ربنا ولا لا
والغرب هما اصلا الي مبتدعين حاجة زي دي عايزين يشغلونا عن طاعة ربنا
---ايه الي بيحصل في عيد الحب داه اصلا -----
يتصل الولد بحبيبته قبل عيد الحب بيوم وهي اول ماتشوف نمرته تقوم مكلماه من تحت السرير عشان مافيش حد يشفها وتبئي وقعتها سوده ومايبئاش عيد حب لا يبئي عيد نكد
ويقوم يقولها بكرة عيدنا ياحبيبتي لازم نخرج في مكان رومانسي نتقابل فيه وهي بئي بجد ياحبيبي نفسي اروح علي النيل خلاص ياحبيبتي من النجمه هتلائيني مستنيكي وانتهت المكالمه
بعد المكالمه &&&تيت تيت ايه داه رساله ياتري مين (دا هو بردوا بعتلها رساله ) والرساله هي ""دورت رساله ارسلها ليك مالقيت احلي من كلمه الله لايحرمني منك...... ماتنسيش معدنا بكرة مستنيكي ""
*ايه دا مش لسه متصل بس شكله خايف لتزحلئه وتنسي المعاد*
طبعا البت قرأت الرساله امتي يجي بكرة ياسلام علي كلامه الجميل
وجيه بكرة هي لابسه احمر في احمر وهو لابس احمر ف احمر *اصلا الدنيا كلها بتبئي احمر ف احمر كأنهم واقعين في بارميل بهيه حمرا *
واقفين علي النيل بئي وجو شاعري
هو:اتفضلي هديتي ياحبيبتي
*المشكله الهديه بتبئي كبيرة اوي نفسي اعرف بيبئي فيها ايه*
هي:شكرا اوي اوي
*وقال حته وشها في الأرض علي اساس بتكسف *
هو :يارب تعجبك الهديه دا انا من عيد الحب الي فات وانا بفكر اجبلك ايه
هي :بجد ربنا يخليك ليا
هو :جبتيلي ايه بئي
هي:جبتلك ورده
هو:ايه دا وردة ب 2 جنيه
هي :اصل ماعرفتش اخنصر فلوس اجيب بيها هديه حلوه
هو :اي حاجة من ايدك حلوة (وفي نفسه *ايه البت البخيله دي ربنا يرحمني منها *)
شكرا ياحبيبتي بجد هفضل محتفظ بيها لحد اخر يوم في عمري
!!!!
والكلام طبعا بيئي كله غزل يعني الكلام الي بيعرف الولد يضحك بيه علي البت يالا ايه يعني خسر 50 جنيه في هديه
اهم حاجة يبئي روميو عصره وزمانه وصحابه يقوله عليه واد مخلص
وهي ماتبئاش بت معقدة لا تبدأ تاخد في نفسها مقلب ان هي ملكة جمال وعليها كدا *ما الغلط علي الولد الي عبرها وخلاها تاخد في نفسها مقلب *
وينتهي اليوم .........
هو : ياخسارة اليوم عدا معاكي كأنه دقيقه
هي :ياه بجد كان نفسي عيد الحب يبئي يومين
*ايه ماهما كل يوم بيشوفوه بعض خلاص اوي الحب نائح عليهم اوي كدا*
وكل واحد يروح علي بيته انا نفسي اعرف حاجة البت اهلها مابسئلوهاش ايه الي في ايدك دا *بس ممكن يكون عندهم حيل *هما بردوا بيبئوا عاملين حسابهم طبعا مش اول مرة
^_^ لما بتخلص ايام الجامعة معظم الحالات ان الولد بينسي البت اصلا وكأنه كان بيسلي ايامه اثناء الجامعه وبعد
مايكون نفسه اول حاجة بيعملها يروح لمامته _ماما ماما شوفيلي عروسه ^_^
طيب فين الكلام الي كان بيقولوا للبنات بعد ماهكون نفسي هاجي اطلب ايدك من باباكي وغيرو وغيرو من الكلام الي لايودي ولا يجيب
انا علي ما اعتقد الي حد علمي ان في اولاد كتير بيقولوا انا ممكن اصاحب بس ماتجوزش البت الي صحبتها
ياجماعه الحب احنا فاهمينه غلط
احنا لو رجعنا لعهد الرسول صلي الله عليه وسلم هل كان فيه حاجة اسمها عيد حب
طبعا لا طيب ماالرسول قدوتنا ولازم نمشي بظبط علي الي امرنا بيه
****انا بجد مش عارفه ايه الي بيحصل دا حب ايه دا انا مش عارفه دا هما حتي شوهوا معني الحب
في النهايه
ربنا يهدي جميع شباب المسلمين وبنات المسلمين
عشان نبئي مسلمين علي حق مش كلمه وبس
##########


تبكي العين
والدموع تسيل
هل يدري بي احد ؟

يتألم القلب
والجروح تصيح
هل يدري بي احد ؟

ينتهي الكلام
وتتوقف الأحلام
هل يدري بي احد ؟

يعجز القول
وتهتز المشاعر

هل يدري بي احد ؟

يفقد الأمل
وتكتئب النفس
هل يدري بي احد ؟


انا لا اعتقد ان احد يدري بي

بقلمي




بسم الله الرحمن الرحيم
انا الي حد علمي ان الواحد بيدخل الجامعه عشان يتعلم ويكون محترف في مهنته سواء طبيب او معلم او مهندس او كيميائي او ...او ...
لكن بعض من هؤلاء بيتخرجوا من الجامعه ولم يفقهوا شيئا
والسبب الأستهتار خلال الدراسه
انا من اول مادخلت الجامعه وانا ملاحظة حجات غريبه خلتني بجد بكره اليوم اللي بروح فيه الكليه
سواء من الشباب او البنات
بحس ان بعض البنات بتخرج من بيتها واخر شياكه ولله الحمد وفي دماغها مش هتتعلم ايه لالالالالا
بل اللي بيدور داخل مخيلتها هي هتعلق كام واحد النهاردة كام واحد من شلتها هيقولها وااااااو ايه الشياكة ديه
بشوف ازاي بتتعامل البنات مع الولاد كأنه سبحان الله اخوها بتهزر بالأيد والشتايم وحجات كتير لاتسر ولاتفرح والله ولو اخوها
ماهتعمل معاه كدا
"في مره "كنت جالسه في المدرج انا وصديقتي وفي اخر انسجام في المحاضرة
وبنات وشباب ورانا عاملين يرغوا ويسخروا من الدكتور ايه الراجل الي مابعرفش يشرح داه الواحد مش فاهم حاجة
ويضحكوا ويهزروا فاالبنت الورايا بتقول للولد الي جنبها نفسي حد يجبلي هديه في عيد الحب
وبعد شويه لقيتها بتقول لولد تاني شكله تبع الشله البت فلانه عنيها عليك اظبتلك معاها
والشتايم بئي بينهم الله واعلم بيها
وبدل ماكنا منسجمين في المحاضرة بئينا منسجمين معاهم ونقول انا وصحبتي لاحول ولاقوة الا بالله
هي الدنيا جرا فيها ايه
وغيرها من المناظر الي طول اليوم مقيمين برا قاعة المحاضرات واكتريتهم بنت وولد مع بعض
والي ماسك ايد دي والي عمال يقولها كلام في ولدنها علي اساس مابتسمعش وغيرو وغيرو

وانتوا ايه رأيكم في الموضوع ده؟
بجد لو شفتوا مناظر زي ديه هتعملوا ايه ؟


حكايه لا تنتهي


بسم الله الرحمن الرحيم
سبحان الله ربنا سبحانه وتعالي بيمد الأنسان انه يكتشف حاجات جديدة عشان نقدر نستفاد منها مش عشان نستغلها غلط وللأسف
معظم الناس بيستغلوها غلط تبتدي الحكايه
فرفور دا ولد محترم دخل العالم الأخر وهو العالم الجامعي
اتعرف علي شله في مرة واحد من شلتهم قالهم اسكتوا دا انا امبارح اتعرفت علي واحدة علي الشات
جااااااااااااااااااااااااااااااامدة راح فرفور بان عليه علامات الدهشه قالوا ازاي داه قالوا ايه ياعم انت مش عايش في الدنيا ولا ايه
راح فرفور اتكسف وحط وشه في الأرض راح صاحبه قاله ماتكسفش خلاص انا هاعلمك ازاي وعملوه ايميل ومشي الحال وياريتوا مامشي
وفي البيت فرفور راح قال لوالده انه محتاج يوصل النت من عم شكشك بتاع السيبر اللي تحت العماره
عشان طالبين منه في الجامعه ابحاث للركب راح باباه موافق وقالوه ربنا يوفقك يابني (مايعرقش ان ابنوا هايفشل*)
وراح فرفور جاري لعم شكشك وقالوا عايزين نوصل نت ياعم شكشك وظهر علي عم شكشك الفرح الشديد
وقال في باله(اخيرا حد ركب في العماره الفقر دي النت )وراح طلع علي شقه فرفور وضبط المسائل وركب النت
وفي نفس اليوم وقد حلا السكون علي البيت جلس فرفور علي النت وراح دخل الشات ووجد اسماء كتير
الي اسمها عبير الحب &الفارس المتيم &ورده العمر&عاشقه الظلام & الواد الجدع والي اخره راح قال فرفور
يااااااااااااااااااااااااااه كل دول بيعملوا ابحاث
بص في الأسماء تاني لمحت عينه اسم فرفوره فقال يا محاسن الصدف ام اخش اتعرف
ويبتدي الحواااااااااااااااااار :ـ
فرفور:هاي
فرفوره:هاي
فرفور:ممكن نتعرف
فرفوره:اوك اسمك ايه
فرفور:اسمي.......وانتي
فرفوره:اسمي ..........
:::::::::
والأسئله الي احنا نعرفها عندك كام سنه ؟ بتدرسي ؟ ممكن توريني صورتك ؟ وموضوع الصوره ان هي ازاي واحد ماتعرفهوش توريه صورتها يااااااااااااااااااه اد ايه الأنسان بئي غريب وساعات بتكون صور الله اعلم بيها معرفش الحياء
راح فين كأنه راح مشوار وما رجعش تاني
الي ان تأتي المصيبه يقول فرفور لفرفوره بحبك ماقدرش اعيش من غيرك ...ماقدرش اسيب يوم من غير ما أكلمك .....
انتي اول حب واخر حب .........
بس وهي دي الحكايه بس الحاجة الي بتبتدي غلط بتنتهي غلط وان الحب بهذه الطريقه كذب
:
:
نتعلم من الحكايه دي حاجتين
اولا : ان الصاحب ساحب
ثانيا: لانتبع طريق الشيطان الم يقل لنا ربنا

{الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاء وَاللّهُ يَعِدُكُم مَّغْفِرَةً مِّنْهُ وَفَضْلاً وَاللّهُ وَاسِعٌ عَلِيمٌ }

وربنا يهدي الجميع