BLOGGER TEMPLATES AND TWITTER BACKGROUNDS »

عيد حب سعيد واحمد سعيد وسعيد نفسه ^_^ ** ^_^


ياسلام انهاردة عيد الحب ياجماعه هتبئي الدنيا كلها احمر ف احمر
قال عيد حب قال
انا لغايت الصف الثالث الثانوي وان اعرف ان احنا عندنا عدين بس
*عيد الفطر* *
وعيد الأضحي*
بس لما دخلت الجماعه يااااااه الي ياما شفت فيها حجات لاتحصي ولا تعد
ويارتني ماشفتها
عرفت ان فيه عيد اسمه عيد الحب
شوفوه اد ايه الناس بتحب تدي كل حاجة حقها حتي الحب
اصل الحب ياما شفنا منه عشان كدا لازم نعمله عيد
سبحان الله المشكله ان احنا اي حاجة تيجي علي هوانا نمشي وراها من غير مانعرف الحاجة دي هتغضب ربنا ولا لا
والغرب هما اصلا الي مبتدعين حاجة زي دي عايزين يشغلونا عن طاعة ربنا
---ايه الي بيحصل في عيد الحب داه اصلا -----
يتصل الولد بحبيبته قبل عيد الحب بيوم وهي اول ماتشوف نمرته تقوم مكلماه من تحت السرير عشان مافيش حد يشفها وتبئي وقعتها سوده ومايبئاش عيد حب لا يبئي عيد نكد
ويقوم يقولها بكرة عيدنا ياحبيبتي لازم نخرج في مكان رومانسي نتقابل فيه وهي بئي بجد ياحبيبي نفسي اروح علي النيل خلاص ياحبيبتي من النجمه هتلائيني مستنيكي وانتهت المكالمه
بعد المكالمه &&&تيت تيت ايه داه رساله ياتري مين (دا هو بردوا بعتلها رساله ) والرساله هي ""دورت رساله ارسلها ليك مالقيت احلي من كلمه الله لايحرمني منك...... ماتنسيش معدنا بكرة مستنيكي ""
*ايه دا مش لسه متصل بس شكله خايف لتزحلئه وتنسي المعاد*
طبعا البت قرأت الرساله امتي يجي بكرة ياسلام علي كلامه الجميل
وجيه بكرة هي لابسه احمر في احمر وهو لابس احمر ف احمر *اصلا الدنيا كلها بتبئي احمر ف احمر كأنهم واقعين في بارميل بهيه حمرا *
واقفين علي النيل بئي وجو شاعري
هو:اتفضلي هديتي ياحبيبتي
*المشكله الهديه بتبئي كبيرة اوي نفسي اعرف بيبئي فيها ايه*
هي:شكرا اوي اوي
*وقال حته وشها في الأرض علي اساس بتكسف *
هو :يارب تعجبك الهديه دا انا من عيد الحب الي فات وانا بفكر اجبلك ايه
هي :بجد ربنا يخليك ليا
هو :جبتيلي ايه بئي
هي:جبتلك ورده
هو:ايه دا وردة ب 2 جنيه
هي :اصل ماعرفتش اخنصر فلوس اجيب بيها هديه حلوه
هو :اي حاجة من ايدك حلوة (وفي نفسه *ايه البت البخيله دي ربنا يرحمني منها *)
شكرا ياحبيبتي بجد هفضل محتفظ بيها لحد اخر يوم في عمري
!!!!
والكلام طبعا بيئي كله غزل يعني الكلام الي بيعرف الولد يضحك بيه علي البت يالا ايه يعني خسر 50 جنيه في هديه
اهم حاجة يبئي روميو عصره وزمانه وصحابه يقوله عليه واد مخلص
وهي ماتبئاش بت معقدة لا تبدأ تاخد في نفسها مقلب ان هي ملكة جمال وعليها كدا *ما الغلط علي الولد الي عبرها وخلاها تاخد في نفسها مقلب *
وينتهي اليوم .........
هو : ياخسارة اليوم عدا معاكي كأنه دقيقه
هي :ياه بجد كان نفسي عيد الحب يبئي يومين
*ايه ماهما كل يوم بيشوفوه بعض خلاص اوي الحب نائح عليهم اوي كدا*
وكل واحد يروح علي بيته انا نفسي اعرف حاجة البت اهلها مابسئلوهاش ايه الي في ايدك دا *بس ممكن يكون عندهم حيل *هما بردوا بيبئوا عاملين حسابهم طبعا مش اول مرة
^_^ لما بتخلص ايام الجامعة معظم الحالات ان الولد بينسي البت اصلا وكأنه كان بيسلي ايامه اثناء الجامعه وبعد
مايكون نفسه اول حاجة بيعملها يروح لمامته _ماما ماما شوفيلي عروسه ^_^
طيب فين الكلام الي كان بيقولوا للبنات بعد ماهكون نفسي هاجي اطلب ايدك من باباكي وغيرو وغيرو من الكلام الي لايودي ولا يجيب
انا علي ما اعتقد الي حد علمي ان في اولاد كتير بيقولوا انا ممكن اصاحب بس ماتجوزش البت الي صحبتها
ياجماعه الحب احنا فاهمينه غلط
احنا لو رجعنا لعهد الرسول صلي الله عليه وسلم هل كان فيه حاجة اسمها عيد حب
طبعا لا طيب ماالرسول قدوتنا ولازم نمشي بظبط علي الي امرنا بيه
****انا بجد مش عارفه ايه الي بيحصل دا حب ايه دا انا مش عارفه دا هما حتي شوهوا معني الحب
في النهايه
ربنا يهدي جميع شباب المسلمين وبنات المسلمين
عشان نبئي مسلمين علي حق مش كلمه وبس
##########


16 قول اللي في نفسك:

موناليزا said...

:) انا كمان ببقى عايزة اعرف الهدية فيها ايه
ربنا يهدى شبابانا ويعرفوا انهم من خير أمة أخرجت للناس

fL0weR-giRL said...

الأخت موناليزا

شكرا علي تعليقك

وفعلا ربنا يهدي جميع شباب وبنات المسلمين

لك كل الشكر والتقدير

بنوتة said...

السلام عليكم
كلامك دايما صح
انا كمان بيبقى عندى فضول اعرف العلبة جواها ايه
اكيد دبدوب بس شكله ايه؟
هههههههههه
المهم عندك حق بس على فكرةاللوم مش على الولد وحده عشان هو ايللي عملها لازمة العيب في الاساس على التربية
تحياتى ليكى

fL0weR-giRL said...

الأخت بنوته
شكرا جدا علي تعليقك

والتربيه هي الأساس طبعا

لك كل الشكر والتقدير

:)

romansy said...

عارفه اننا بناخد الحاجه الحلوه بس
مش لازم نقابل على النيل يعنى

كل سنه وانتى طيبه

fL0weR-giRL said...

romansy
********
شكرا علي تعليقك

فعلا مش لازم علي النيل بس ان بضرب مثل يعني حاله من الحالات

لك كل الشكر والتقدير

:)

بـسـمـــة صـــــلاح said...

أنا بردو مبعترفش بعيد الحب دا
لإنه بدعة والكفار بيحاولوا يدخولولنا بأي ناحية

جزاك الله خيرا

دمت بكل ود
تحيـــــــــاتي(:

بسمة انور said...

بسم الله
فعلا سؤال محيرنى اوى وهو البت لما بترجع بالهدية لكبيرة الاوى دى بتقول لاهلها ايه
ماعلينا ربنا يهدى الجميع

fL0weR-giRL said...

الأخت بسمه صلاح

انا سعيده جدا بمرورك
ومشكورة كتير علي تعليقك

لك كل الشكر والتقدير

:)

fL0weR-giRL said...

الأخت basma
***********
شكرا علي تعليقك

وربنا يهدي الجميع

لك كل الشكر والتقدير

:)

ghorBty said...

السلام عليكم

غاليتي فلور جيرل

صدقتي في كل كلمة

والاساس من البيت اين الرقابه والتربيه

لازم كل اب وام يعرف انهم هيسالوا عن اولادهم
وكل راعي مسئول عن رعيته

اما الشباب بجد ربنا يهديهم منساقين وراء اشياء لا يدرون من اين اتت الينا وما خطر الانجراف وراها

ربنا يبصرهم ويهديهم يا رب

بوركتي وبورك قلمك

دمت بخير وسعاده

غربتي

الفراشة الصغيرة said...

يا بنتى المشكله اللى اهم من دى
هما ليه يقعدوا يحوشوا المشاعر لليوم ده

وبعدين هو الحب بالاحمر والهدايا
الح اعلى وارفع من ذلك
لو بيحبها بجد هيبان من تصرفاته وخوفه عليها
مش محتاجه عيد ولا ديا ولوا

fL0weR-giRL said...

الأخت غربتي :_
شكرا جدا علي تعليقك بارك الله فيكي

لك كل الشكر والتقدير ^_^

fL0weR-giRL said...

اختي الفراشه الصغيرة

شكرا ليكي جدا وفعلا الي بيحب حد بجد بيبان من تصرفاته

بس في حاجة ممكن يمثل عادي مافيش اسهل من التمثيل ................

لك كل الشكر والتقدير ... ^_^

المعتصم said...

بسم الله الرحمن الرحيم
السلام عليكم ورحمة الله وبركاته
أختى الكريمة
تحياتى
والله معاكى حق فى كل اللى قلتيه
بس حتى لو هنمشيها وان الناس تحتفل بعيد الحب (بتاع اللون الاحمر ده) يبقى مين اللى له الحق فى كده؟؟؟؟؟؟؟؟؟؟؟
يعنى اكيد هيبقى واحد ومراته اتنين لسه متجوزين جديد او حتى قديم اهو يوم يفرحها كده ويشتريلها دبدوب احمر ويفكرها بايام الخطوبة اللى كانت كلها كلام غزل واحلام ورديه
انما مشوار النيل واللفه الكبيرة والورده دا كله كلام فاضى وتقليد اعمى للغرب ليس الا بس علشان الواد يبقى روش ومفتح والبنت تقنع نفسها انها احلى واحده وان الولد بيموت فى التراب اللى بتمشى عليه
يلا ربنا يهدى الجميع
وطبعا انا اسف على التاخير فى التعليق انا قريت الموضوع تانى يوم نزل بس تقريبا والله اعلم نسيت اعلق وكنت فاكر انى علقت (تقريبا كده زهايمر مستعصى بعيد عنك)
تقبلى تحياتى ودمتى بكل ود وخير
والسلام عليكم ورحمة الله وبركاته

fL0weR-giRL said...

اخي المعتصم
***********
شكرا علي مرورك
ولك كل الشكر والتقدير

^_^